الكليون يعمّر الكومند وحدو، إنت تكونفيرمي بكليك، والكومند تمشي وحدها لشركة التوصيل. ونكوّنو الفريق متاعك على الطريقة الجديدة.
السبونسور يجيب الكليونات، أما كلّ كومند تاكل من وقتك ووقت الفريق متاعك.
في الميساج، في الكرّاس ولّا الإكسال، ومن بعد في سيستم شركة التوصيل.
ميساجات ما تتجاوبش في الليل ولّا في الزحمة، وكليون ما يستنّاش.
نومرو ولّا عنوان مكتوب غالط في الشات، والكولي يرجع ومعاه المصروف.
اللي يجيب الكليون هو السبونسور، كيف توّا بالضبط. نفس الفيديو، نفس البيدجي. الفرق الوحيد: عوض «ابعثلنا ميساج»، الكليون يمشي لصفحة فيها كلّ شي ويعمّر الكومند وحدو. السيت ما يزيدلكش كليونات. يزيدلك نظام، باش تكبر من غير ما تزيد عباد على الميساجات.
4 خطوات، وما تكتب حتّى شي مرّتين.
الزرّ في البوب يبعث الكليون لصفحة المنتوج عوض الميساجات. نفس الفيديو، نفس الميزانية.
4 خانات وبوتون. لا كونت، لا إيميل، لا مو دو پاس. أسهل من الميساجات، حتّى للكبار.
الكومندات الكلّ في داشبورد واحد. تعيّط للكليون، وكي يأكّد، كليك وحدة. بلا كرّاس، بلا إكسال.
الكومند المؤكّدة توصل أوتوماتيك للسيستم متاع شركة التوصيل. ما تعاود تكتب لا إسم، لا نومرو، لا عنوان.
| الخطوة | توّا: بالميساجات | مع Nizam |
|---|---|---|
| الكليون يسأل | يبعث ميساج ويستنّى الرد | الصفحة تجاوبو: تصاور، فيديو، سوم، مقاسات، توصيل |
| الإسم والعنوان | تسألو عليهم ميساج بميساج | يعمّرهم وحدو في 4 خانات |
| التسجيل | كرّاس ولّا إكسال | الكومند تظهر في الداشبورد «جديدة» |
| الكونفيرماسيون | تعيّط وتكتب بيدك | تعيّط وتكليكي «مؤكّدة» |
| التوصيل | تعاود تكتب كلّ شي في سيستمهم | تمشي وحدها، أوتوماتيك |
| المتابعة | بالتيليفون، كومند بكومند | الستاتي باين: في الطريق، وصلت، رجعت |
الكونفيرماسيون بالتيليفون تقعد كيف ما هي. اللي يتنحّى هو الشات الطويل والكتيبة مرّتين.
اعمل كومند تجريبية كإنّك كليون، من التيليفون متاعك. ومن بعد شوف الكومند توصل للداشبورد، كونفيرميها، وشوفها تمشي لشركة التوصيل.
السيت يتعمل على قياس خدمتك. وكي يكون حاضر، نكوّنو الفريق متاعك أونلاين ونتبّعوك.
بالتوازي مع الميساجات، ونقارنو الأرقام قبل ما نبدّلو كلّ شي.
الدومين باسمك، والداتا متاعك، بلا كوميسيون على البيع.
اشتراك شهري حسب عدد الكومندات، السوم مكتوب من النهار الأوّل.
نصلّحو بلاش حتّى تولّي الكومندات تمشي للتوصيل وحدها، ونكوّنو الفريق حتّى يولّي يخدم وحدو.
الكليون ما يخرجش من الفيسبوك أصلاً: الصفحة تتحلّ وسطو. بوتون وحدة، 4 خانات، لا كونت لا إيميل. أسهل من إنّو يبعث برشا ميساجات.
بوتون الواتساب يقعد في الصفحة. اللي يحبّ يسأل يسأل، أما الكومند تتعمل في الفورميلار.
أغلب شركات التوصيل في تونس عندها API، وساعتها الكومند تمشي وحدها. وإذا ما عندهاش، نعملو export بكليك وحدة. نثبّتو هذا معاك قبل ما تخلّص.
نبداو بمنتوج واحد، والباقي يقعد بالميساجات كيف ما هو. نقارنو الأرقام، ومن بعد تقرّر.
متاعك إنت. الدومين باسمك، الداتا متاعك، وإذا تحبّ تمشي نعطيوك نسخة كاملة من السيت.
تخلّص اشتراك شهري للهوستينغ والصيانة، حسب عدد الكومندات متاعك في النهار. السوم مكتوب في الكونترا من النهار الأوّل، ما فمّاش مفاجآت.
سيت بـ 300 دينار هو سيت برك. شكون يربطو بشركة التوصيل؟ شكون يكوّن الفريق متاعك؟ شكون يصلّحو كي تتبلوكا الكومندات؟ إحنا نبيعو السيستم الكامل، موش الصفحة.
